ჩილეში მოსახლეობის აბსოლუტურმა უმრავლესობამ დიქტატორ აუგუსტო პინოჩეტის მმართველობის დროს მიღებული კონსტიტუციის გადაწერას მხარი დაუჭირა. მოქმედი კონსტიტუცია 1980 წელს იქნა მიღებული.

BBC-ის ინფორმაციით, ჩატარებული რეფერენდუმის ხმების 90 უკვე დათვლილია და 78 პროცენტმა კონსტიტუციის ცვლილების მომხრეა. რეფერენდუმის ჩატარებას წინ უძღოდა მასობრივი ანსტისამთავრობო აქციები, რომელიც ერთი წლის წინ დაიწყო. დემონსტრანტები ახალი კონსტიტუციის მიღებას ითხოვდნენ, რომელსაც ღრმა უთანასწორობის აღმოფხვრა შეეძლებოდა.

ქვეყნის პრეზიდენტმა, სებასტიან პინიერამ ხმის მიცემის შედეგი აღიარა. მან რეფერენდუმს უწოდა დასაწყისი იმ გზისა, რომელიც ჩილელებმა ერთად უნდა გაიარონ.

რეფერენდუმზე გატანილი იყო ორი საკითხი: სურთ თუ არა მოქალაქეებს ახალი კონსტიტუცია და ვინ, რომელმა საზოგადოებრივმა თუ სახელმწიფო ინსტიტუტმა უნდა შექმნას ის. უმრავლესობამ მხარი დაუჭირა, რომ მოწვეულ იქნას კრება, რომლის შემადგენლობაში სრულად არჩეული მოქალაქეები შევლენ.