რუსეთის პრეზიდენტი ვლადიმერ პუტინი ირწმუნება, რომ მიუხედავად რუს ოპოზიციონერ ალექსეი ნავალნიზე დაწესებული შეზღუდვებისა, მან პირადად სთხოვა პროკურატურას, ნავალნის გერმანიაში სამკურნალოდ გამგზავრებაზე ნებართვა მიეცათ. პუტინის თქმით, ნავალნის ქვეყნიდან გასვლაზე შეზღუდვები მის მიმართ გამოძიების მიმდინარეობის გამო ჰქონდა დაწესებული.

"როცა ამ მოქალაქის ცოლმა მომმართა, მაშინვე დავავალე პროკურატურას, მისი საზღვარზე სამკურნალოდ გადასვლის შესაძლებლობა გაერკვია, რადგან შეეძლოთ არ გაეშვათ", — განაცხადა პუტინმა.

ევრონიუსის რუსული ბიუროს ცნობით, მან, ასევე, უარყო ბრალდება იმის შესახებ, რომ რუსეთის ხელისუფლებას ოპოზიციონერის მოწამვლა უნდოდა. პუტინის თქმით, მათ ნავალნი რომ მოეწამლათ, სამკურნალოდ გერმანიაში არ გაუშვებდნენ.

კორუფციასთან ბრძოლის ფონდის ხელმძღვანელი, ალექსეი ნავალნი ომსკის საავადმყოფოში, 20 აგვისტოს მოათავსეს. გერმანელმა ექიმებმა დაადგინეს, რომ ის მოწამლულია.

2 წლის წინ სერგეი და იულია სკრიპალები, ქალაქ სოლსბერიში იგივე ნერვო-პარალეპტიკური ნივთიერებით, ე.წ "ნოვიჩოკით" მოწამლეს.

გავრცელებული იყო ინფორმაციაც, რომ მომწამვლელი ნივთიერების ყველაზე დიდი კონცენტრაცია სკრიპალის საცხოვრებელი სახლის, შესასვლელი კარის სახელურზე იყო დატანილი. პოლიციის ცნობით, გაზი "ნავიჩოკი" არეული იყო გაურკვეველ სითხეში და ამგვარი მეთოდით გადაიტანეს კარის სახელურზე.

ამავე თემაზე: