გირჩის ლიდერის, ზურაბ ჯაფარიძის ოჯახის წევრს კორონავირუსი დაუდასტურდა. ამის გამო ჯაფარიძე წინასაარჩევნო კამპანიას ონლაინრეჟიმში გააგრძელებს. მისი თქმით, ოჯახის სხვა წევრები კარგად არიან, თუმცა საჯარო აქტივობების შეზღუდვა მოუწევს.

"სხვა ოჯახის წევრები კარგად ვართ, მათ შორის ნატა დაიტესტა და უარყოფითი პასუხი მოვიდა. სამწუხაროდ ჩემი საჯარო აქტივობები უნდა შევზღუდო. კამპანიას მხოლოდ ონლაინ რეჟიმში გავაგრძელებ. 31-ში უნდა მოვიგოთ", — წერს ჯაფარიძე ფეისბუქგვერდზე.

საქართველოში კორონავირუსის 1 595 ახალი შემთხვევა გამოვლინდა.

სულ ქვეყანაში 22 803 შემთხვევაა გამოვლენილი, აქედან 9 401 გამოჯანმრთელდა, ხოლო 178 გარდაიცვალა. კარანტინის რეჟიმშია 4 408 პირი, სტაციონარში მეთვალყურეობის ქვეშ — 3 155, კოვიდ სასტუმროში — 1 848.