დაავადებათა კონტროლის ეროვნული ცენტრის დირექტორის, ამირან გამყრელიძის თქმით, კვირას ქვეყანაში დამატებით 77 000 გრიპის ვაქცინას ჩამოიტანენ. ამის შესახებ მან მთავრობის ადმინისტრაციაში ბრიფინგზე ისაუბრა.

"კვირას, გვიან ჩამოვა დამატებით 77 000 გრიპის ვაქცინის 4 კომპონენტიანი დოზა. ორშაბათიდან დაიწყება განაწილდება მთელი ქვეყნის მასშტაბით და უკვე დიდი რისკჯგუფები აიცრებიან", — განაცხადა გამყრელიძემ.

მისი თქმით, თავდაპირველად, რისკჯგუფებისთვის 25 000 ვაქცინა შემოიტანეს და მათგან, მხოლოდ 5 000 ადამიანი აიცრა. გამყრელიძემ აღნიშნა ისიც, რომ ჯერ-ჯერობით, ქვეყანაში გრიპის ვირუსი არ გამოჩენილა და მას ნოემბრის შუა რიცხვებიდან ელიან. მან მოუწოდა მოქალაქეებს, განსაკუთრებით კი, რისკ-ჯგუფებს, რომ აიცრან.