9 ოქტომბერს ცნობილი საშინელებათა ჟანრის სერიალის ჰილჰაუსის მოჩვენება (The Haunting of Hill House) მეორე სეზონი გამოვიდა — ბლაის მამულის მოჩვენება (The Haunting of Bly Manor), რომელიც ბოლო დღეებში სატელევიზიო შოუების მოყვარულებში განსაკუთრებული განხილვების მიზეზია.

ეს სერიალი თავისი ეკრანზე ნაკლებად ხილული მოჩვენებებითა და სიუჟეტის მოულოდნელი განვითარებით ნამდვილი სიურპრიზებითაა სავსე, თუმცა მაყურებლები მისი ნახვის შემდეგ კიდევ არაერთ მიზეზს პოულობენ გასაოცებლად.

ვისაც ნეტფლიქსის ამ გახმაურებული ანთოლოგიური ტიპის სერიალის ორივე სეზონი უნახავს, იცის, რომ ორივე მათგანში ვხვდებით ნაცნობ მსახიობებს. მათ შორისაა ჰენრი თომასი, რომელიც ჰილჰაუსის მოჩვენებაში მამის, ჰიუ კრეინის როლს ასრულებს, ბლაის მამულის მოჩვენებაში კი ბიძის, ჰენრი უინგრეივის როლში მოგვევლინა.

ჰილჰაუსის მოჩვენება

ფოტო: Netflix

ბლაის მამულის მოჩვენება

შესაძლოა, ბევრმა, ვინც ჯერ კიდევ ადრე ნახა პირველი სეზონი, მაშინვე გაარკვია, თუ საიდან ეცნობოდა ამ მსახიობის სახე. თუმცა მაყურებლების ნაწილმა სულ ახლახან პირდაპირ მეორე სეზონის ყურება დაიწყო და ზოგიერთ მათგანს გაუჩნდა კითხვა, თუ საიდან ეცნობოდა ის.

ფოტო: Netflix

თითქოს, მისი სახე ძალიან ახლობელია და გული ეტკინება კიდეც, რომ ვერ გაიხსენო.

ფოტო: Netflix

თუ დამოუკიდებლად მაინც ვერ მოახერხეთ მისი ცნობა, საკმარისია, მარტივი ინფორმაცია ჩაატაროთ და მის შესახებ ინტერნეტში მოიძიოთ ინფორმაცია.

ფოტო: Netflix

უცებვე გაარკვევთ, რომ ის თქვენი ბავშვობის მეგობარია: სანამ სერიალში ბლაის მამულის მოჩვენება ბიძია ჰენრი გახდებოდა, ის პატარა ბიჭი, სახელად ელიოტი იყო ფილმიდან E.T.

ფოტო: Amblin Productions

დიახ, მასთან აქამდეც გვაკავშირებდა მნიშვნელოვანი მოგონებები და რაც მთავარია, მისი სახე ამდენი წლის შემდეგაც კი თითქმის არ შეცვლილა: ფილმი E.T. the Extra-Terrestrial, რომელსაც ქართველი მაყურებელი ხშირად უცხოპლანეტელის სახელით იცნობს, თითქმის 40 წლის წინ, 1982 წელს გამოვიდა.

ფოტო: Amblin Productions

ფოტო: Netflix