მთავრობის ადმინისტრაციის ხელმძღვანელი ნათია მეზვრიშვილი თქმით, ამ ეტაპზე არ მიაჩნიათ, რომ სასწავლო დაწესებულებებში კორონავირუსის მასშტაბური გავრცელების რისკები არსებობს. ამის შესახებ მან მაესტროს ეთერში ისაუბრა.

მეზვრიშვილის განცხადებით, თუ მთავრობა დაინახავს, რომ ეპიდემიოლოგიური ვითარება გართულდა, მუშაობას წერტილოვანი მიდგომებით გააგრძელებს. როგორც იგი ამბობს, უნივერსიტეტებს აქვთ იმის რესურსი, რომ სასწავლო პროცესი უსაფრთხოდ მიმდინარეობდეს.

"იქ, სადაც დადასტურდა შემთხვევები, დაიხურა საბავშვო ბაღები, საკლასო ოთახები და ასეთი წერტილოვანი მიდგომებით გავაგრძელებთ მუშაობას, თუმცა, ამ ეტაპზე არ მივიჩნევთ, რომ რაიმე მასშტაბური გავრცელების რისკებია სასწავლო დაწესებულებებში. თუ ამის რისკებს დავინახავთ, ბუნებრივია, შესაბამის გადაწყვეტილებებს მივიღებთ", — განაცხადა მეზვრიშვილმა.