2020 წლის ნოემბრის ბოლომდე თბილისის საერთაშორიო აეროპორტსა და ზოგიერთ აეროპორტს შორის პირდაპირ რეგულარულ საერთაშორისო რეისებზე შეზღუდვა ისევ გაგრძელდება.

რეისებზე, რომლებსაც შეზღუდვა არ ეხება, სამოქალაქო ავიაციის სააგენტომ ნოტამი გამოსცა. ნოემბრის განმავლობაში დაგეგმილია შემდეგი ფრენები:

  • თბილისი — დოჰა;
  • თბილისი — მიუნხენი;
  • თბილისი — ათენი;
  • თბილისი — რიგა;
  • თბილისი — პარიზი;
  • თბილისი — ვარშავა;
  • თბილისი — ამსტერდამი;
  • თბილისი — ვენა;
  • თბილისი — მილანი;
  • თბილისი — ბერლინი;
  • ქუთაისი — ვილნიუსი;
  • ქუთაისი — რიგა;
  • ქუთაისი — დორტმუნდი;
  • ქუთაისი — კატოვიცე.

რეგულარულ მიმოსვლაზე შეზღუდვა მოიხსნა პირდაპირ საერთაშორისო რეისებზე თბილისიდან მიუნხენის, პარიზისა და რიგის მიმართულებით, ასევე, ქუთაისიდან რიგის მიმართულებით.

საქართველოს ეკონომიკისა და მდგრადი განვითარების მინისტრმა, ნათია თურნავამ რამდენიმე დღის წინ განაცხადა, რომ ნოემბრიდან ფრენების ქუთაისის აეროპორტიდან გაიხსნება, რაც ნიშნავს, რომ დაბალბიუჯეტიანი კომპანიებიც იფრენენ.

"უახლოეს დღეებში გახდება ცნობილი, თუ რა მიმართულებებით გაიხსნება სხვადასხვა კომპანიისთვის რეგულარული ფრენები, ძირითადად ეს არის ევროპის მიმართულებით", — განაცხადა ნათია თურნავამ.

თურნავამ აღნიშნა, რომ ფრენებთან დაკავშირებული გადაწყვეტილება ჯანდაცვის სექტორთან ერთად მიიღეს.