11 იანვარს საქართველოს ფინანსთა სამინისტრო სახელმწიფო ფასიანი ქაღალდების აუქციონებზე 60 მილიონი ლარის ღირებულების ფასიან ქაღალდებს განათავსებს. ამის შესახებ ინფორმაცია ფინანსთა სამინისტროს ვებგვერდზეა განთავსებული.

ფასიანი ქაღალდებიდან 20 მილიონი ლარის ნომინალური ღირებულების 6 თვის ვადიანობის მქონე სახაზინო ვალდებულებებია, 40 მილიონი ლარის ნომინალური ღირებულების კი 2 წლის ვადიანობის მქონე სახაზინო ობლიგაციები.

2017 წელს უქციონზე ფინანსთა სამინისტრომ ერთხელ უკვე გაყიდა 40 მილიონი ლარის ნომინალური ღირებულების 364-დღიანი ვადიანობის ფასიანი ქაღალდები. მაშინ, აუქციონში მონაწილეობა ხუთმა კომერციულმა ბანკმა მიიღო. მოთხოვნა 84 მილიონი ლარი იყო. მინიმალური საპროცენტო განაკვეთი - 7.3%, მაქსიმალური - 7.65%, ხოლო საშუალო შეწონილი 7.51% განისაზღვრა.