თბილისში ალილოს მსვლელობა მოეწყო

თბილისში, 7 იანვარს შობის აღსანიშნავად ალილიოს მსვლელობა მოეწყო. ალილოს მონაწილეები ვარდების მოედანზე შეიკრიბნენ და სამების ტაძრისკენ მსვლელობა მოაწყეს. მათ პარლამენტის თავმჯდომარე, პრეზიდენტი, თბილისის მერი შეხვდნენ და საჩუქრები გადასცეს.

ალილოს მსვლელობა. თბილისი, 7 იანვარი, 2016.

ფოტო: გელა ბოჩიკაშივილი / On.ge

როგორც თბილისის მერმა დავით ნარმანიამ განაცხადა მერია კვლავ აგრძელებს ღონისძიებაში მონაწილეობას.

„შობა გამორჩეული დღესასწაულია თითოეული ჩვენგანისთვის... ჩვენ ვუერთდებით ამ სახალხო დღესასწაულს და საჩუქრებს გადავცემთ მზრუნველობამოკლებულ ადამიანებს, პატარებსა და მოხუცებს,“- განაცხადა დავით ნარმანიამ.

მერთან შეხვედრის შემდეგ, ალილოს მონაწილეები საქართველოს პრეზიდენტის ადმინისტრაციისკენ წავიდნენ.

„დღეს, ამ მშვენიერ მზიან დღეს მსურს კიდევ ერთხელ მოგილოცოთ დღევანდელი დღესასწაული. დღე, როდესაც ჩვენში იბადება ერთმანეთის სიყვარული, ერთმანეთისათვის მხარდაჭერისა და გაზიარების უნარი. ეს მშვენიერი რიტუალიც ამის გამოხატვაა, როდესაც ჩვენ გვაქვს უნარი გვიყვარდეს ერთმანეთი და ვუზიარებდეთ სიკეთეს,”- უთხრა გიორგი მარგველაშვილმა მსვლელობის მონაწილეებს.