მთავარი არხის დაკვეთით ჩატარებული IPSOS-ის კვლევის თანახმად, მომდევნო კვირას რომ საპარლამენტო არჩევნები გაიმართოს, გამოკითხულთა 26.2 პროცენტი ქართულ ოცნებას მისცემდა ხმას, 17.8 პროცენტი ერთიან ნაციონალურ მოძრაობას, ხოლო 5.3 სტრატეგია აღმაშენებელს.

დანარჩენი პროცენტები კი შემდეგ პარტიებს შორის ნაწილდება:

  • ევროპული საქართველო — 5.1 პროცენტი;
  • ლელო — 2.7 პროცენტი;
  • გირჩი — 2.7 პროცენტი;
  • ლეიბორისტული პარტია — 2.1 პროცენტი;
  • პატრიოტთა ალიანსი — 1.2 პროცენტი;
  • ერთიანი საქართველო — 0.7 პროცენტი;
  • მოქალაქეები — 0.5 პროცენტი;
  • სხვა პარტიები — 1.7 პროცენტი;
  • ხოლო გამოკითხულთა 34-მა პროცენტმა არ იცის, ვის მისცემდა ხმას, ან უარს ამბობს პასუხზე.

კვლევის ჩატარების პერიოდი 8-დან 15 ოქტომბრამდე პერიოდს მოიცავდა. სულ 18 წელს ზემოთ ასაკის მქონე 1507 ადამიანი პირდაპირი ინტერვიუს მეთოდით გამოიკითხა. კვლევის ცდომილება +- 2,5 პროცენტია.