განათლების მინისტრის, ეკა დგებუაძის განცხადებით, პირველი ოქტომბრის შემდეგ თბილისში, ზუგდიდი, რუსათვსა და ქუთაისში კორონავირუსის დაფიქსირების გამო 20 სკოლა და 55 სკოლის ცალკეული კლასი დისტანციურ რეჟიმზე გადავიდა.

პირველ ოქტომბერს აჭარის გარდა ყველა რეგიონში საკლასო ოთახებში სწავლა I-VI კლასელებისთვის განახლდა. როგორც დგებუაძე ამბობს, სულ ასეთი 132 422 მოსწავლე ფიქსირდება.

იმ სკოლებში, სადაც კორონავირუსით ინფიცირების ფაქტი დასტურდება წერტილოვანი შეზღუდვები წესდება. სკოლა უკავშირდება დაავადებათა კონტროლის ცენტრს და მისი რეკომენდაციების შესაბამისად მოქმედებს. სკოლას უტარდება დეზინფექცია, თუ საჭიროა, ყველა პედაგოგი და მოსწავლე გადადის თვითიზოლაციაში, თუ არადა მხოლოდ კლასი, სწავლა კი დისტანციურ რეჟიმში გრძელდება.

"დღევანდელი სტატისტიკური მონაცემებით ვადასტურებთ იმას, რომ კოვიდ-ინფიცირების ფაქტები არსებობს მოსწავლეებსა და მასწავლებლებშიც. თუმცა შემიძლია გითხრათ, რომ სისტემა მართავს ამ პროცესებს და სწავლაზე ხელმისაწვდომობა გარანტირებულია თითოეული მოსწავლისთვის", — განაცხადა დგებუაძემ.

მისივე თქმით, სამინისტრომ შესთავაზე მოსწავლეებსა და მათ მშობლებს გაეკეთებინათ არჩევანი დისტანციურ სწავლებასა და საკლასო ოთახში სწავლის განახლებას შორის. დგებუაძის განმარტებით, დღეისათვის I-VI კლასების 130 000 მოსწავლიდან დისტანციური სწავლების სურვილი გამოთქვა 10 000-მდე მოსწავლემ.