დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოს პრემიემინისტრ გიორგი გახარიას განცხადებით, უმაღლეს სასწავლო დაწესებულებებში სწავლის 19 ოქტომბრიდან გაგრძელების გეგმა ძალაში რჩება. გახარიას თქმით, კორონავირუსის პანდემიის მიუხედავად, მოქალაქეების საბაზისო მოთხოვნები არ უნდა შეიზღუდოს.

"უნივერსიტეტებს რეკომენდაცია ექნებათ იქ, სადაც შესაძლებელია, დისტანციური სწავლა იყოს. მაგრამ იქ, სადაც ეს შესაძლებელი არ არის, ლაბორატორიული და პრაქტიკული მეცადინეობების აუდიტორიებში ჩატარების შესაძლებლობა ექნებათ", — განაცხადა გახარიამ მთავრობის სხდომის დასრულების შემდეგ გამართულ ბრიფინგზე.

15 ოქტომბერს საქართველოში კორონავირუსის 919 ახალი შემთხვევა დაფიქსირდა, გამოჯანმრთელდა — 208, გარდაიცვალა — 4.

საქართველოში სულ 14 440 დადასტურებული შემთხვევაა, მათგან 7 367 უკვე გამოჯანმრთელდა, გარდაიცვალა — 113.

ამ დროისთვის კარანტინის რეჟიმში 5 792 ადამიანი იმყოფება, სტაციონარში მეთვალყურეობის ქვეშ — 836, კოვიდ სასტუმროში 1 042 პირი მკურნალობს.