ევროპული საქართველოს მაჟორიტარობის კანდიდატი რუსთავსა და გარდაბანში, ირმა ნადირაშვილი, აფხაზთა კრების თავჯდომარესთან, მალხაზ პატარაიასთან ერთად, რუსთავში, დევნილების დასახლებაში, მოსახლეობას შეხვდა, მათი პრობლემები მოისმინა და მათ გარდამტეხი ცვლილებების გეგმა გააცნო.

ნადირაშვილის თქმით, ევროპული საქართველოს გეგმა ითვალისწინებს დევნილთათვის დახმარების გაორმაგებასა და ოკუპირებულ ტერიტორიებზე დევნილთა საკუთრების საქართველოს საჯარო რეესტრში რეგისტრაციის დაწყებას. პატარაიამ აღნიშნა, რომ ევროპული საქართველოს გეგმა უპრეცენდენტოა მისი მასშტაბურობითა და ვადებით.

"დღეს ჩვენ გვაქვს რუსთავში შეხვედრა დევნილებთან. ეს ადამიანები განსაკუთრებით მძიმე დღეში არიან გასაგები მიზეზების გამო. მათთვის პრობლემაა სამუშაო ადგილი, ისევე, როგორც ნებისმიერი რუსთაველისათვის. ამ ადამიანებს აქვთ გადაკეტილი შემოსავლის წყარო.

ჩვენ თითოეული ადამიანისგან გვესმის, რომ გარდამტეხი ცვლილებებია საჭირო და ევროპული საქართველოს გეგმა აუცილებლად მოუტანს ამ ადამიანებს მეტ კეთილდღეობას", — განაცხადა ნადირაშვილმა.

"ევროპული საქართველოსვის პრიორიტეტულია დეოკუპაციისა და დევნილთა სოციალური მდგომარეობის საკითხი. პროგრამა თავისი შინაარსით, მასშტაბურობითა და ვადებით უპრეცენდენტო და შედგება როგროც პოლიტიკური, ისე სოციალური საკითხისაგან. ეს გეგმა აუცილებლად მოუტანს დევნილებს გარდამტეხ ცვლილებებს", — განაცხადა პატარაიამ.