საინფორმაციო პორტალი სამხრეთის კარიბჭის ინფორმაციით, რაბათში მდებარე ეკლესიაში მათ ჟურნალისტს სიტყვიერი შეურაცხყოფა მიაყენეს, ტექნიკა წაართვეს და ეკლესიის ეზოდან ძალის გამოყენებით გამოაძევეს. მათივე თქმით, მრევლის გაღიზიანება ტაძარში ფოტოების გადაღებამ გამოიწვია.

გამოცემის განმარტებით, მათი ჟურნალისტი ეკლესიაში სვეტიცხოვლობასთან დაკავშირებული წირვის გადაღებას აპირებდა, სადაც ახალციხის მერი ზაზა მიქელაძეც იმყოფებოდა. როგორც სამხრეთის კარიბჭე აღნიშნავს, სწორედ ზაზა მიქელაძემ გააპროტესტა პირველმა ფოტოების გადაღება და მათი წაშლა მოითხოვა, რასაც შემდგომში სხვების უკმაყოფილებაც მოჰყვა.

სამხრეთის კარიბჭეში ამბობენ, რომ ტაძარში მყოფი კიდევ ერთი პირი, ფოტოების წაშლას მოითხოვდა. ამასთან, კაცმა ჟურნალისტი ძალის გამოყენებით ეკლესიის ეზოდან გაიყვანა, ტელეფონი და დიქტოფონი წაართვა და "ტუალეტში ჩაგდებით" დაემუქრა.

გამოცემა დაპირისპირების აუდიოჩანაწერს ავრცელებს:

როგორც გამოცემაში აღნიშნავენ, ჟურნალისტი რამდენიმე წუთის განმავლობაში ცდილობდა ტექნიკის დაბრუნებას და ამ პროცესს ახალციხის მერიც აკვირდებოდა.

On.ge ცდილობდა ახალციხის მერიას დაკავშირებოდა. ინფორმაციას მიღებისთანავე შემოგთავაზებთ.

ჟურნალისტებისთვის საქმიანობაში ხელშეშლის სხვა შემთხვევები: