საქართველოს ექსპრეზიდენტის, მიხეილ სააკაშვილის თქმით, მისთვის ივანიშვილის მთავრობის ყველაზე მთავარი დასჯა საქართველოს სწრაფი განვითარება იქნება, რათა "ისინი ხელმოცარულ ლუზერებად გამოჩნდნენ". მანვე განაცხადა, რომ ეკონომიკის 4-ჯერ სწრაფად გაზრდას აპირებს და ქართული ოცნების თავმჯდომარეს, ბიძინა ივანიშლს ამ ფორმით მიმართა: "გაიპუტოს თმები ნებისმიერ ადგილზე".

"ყველაზე მთავარი დასჯა ივანიშვილისა და მისი უახლოესი დამქაშების იქნება საქართველოს სწრაფი განვითარება, რათა ისინი ხელმოცარულ ლუზერებად გამოჩნდნენ, რომლებმაც 8 წელი პლენში [ტყვეობაში] ამყოფეს ჩემი ქვეყანა. ვაპირებ, შემდეგ წლებში ეკონომიკა ოთხჯერ გავზარდო და მერე ივანიშვილმა გაიპუტოს თმები ნებისმიერ ადგილზე, რადგან დაინახავს, რომ მთელი ეს ლაპარაკი — "ო, ეს მილიარდერი კაცი, ეკონომიკა ესმის, ხალხს მიხედავს, აღმოჩნდა სრული ბლეფი", — განაცხადა სააკაშვილმა გადაცემა საჯარო პოლიტიკაში საუბრისას.

მისივე თქმით, სწორედ ამას გულისხმობს ის ბიძინა ივანიშვილის მთავრობის დასჯაში და ამბობს, რომ ამბიციურია.

სააკაშვილი ძალა ერთობაშიას პრემეირმინისტრობის კანდიდატია. ის მოსახლეობას კიდევ ერთხელ პირდება, რომ საქართველოში არჩევნების შემდეგ დაბრუნდება. მსგავს პირობას სააკშვილი უკვე წლებია დებს.