ქონების მესაკუთრის მოტყუებით დიდი ოდენობით ქონებრივი დაზიანების ბრალდებით ერთი პირი დააკავეს. ფინანსთა სამინისტრო საგამოძიებო სამსახურის ინფორმაციით, დაკავებულმა უკანონო მატერიალური სარგებლის მიღების მიზნით მის დაქვემდებარებაში არსებული ორი კომპანიის სახელით ყალბი მონაცემები შეიყანა დეკლარაციებში, რის შედეგადაც დამატებითი ღირებულების გადასახადის ნაწილლში ზედმეტობა ჯამში 7 133 000 ლარი შეიქმნა.

უწყების ცნობით, დაკავებულმა აღნიშნული თანხიდან 224 996 ლარის ოდენობის აქტივის გამოყენება შეძლო. მათივე თქმით, საგამოძიები სამსახური აღნიშნულ დანაშაულში შემჩნეული სხვა პირების დადგენას ცდილობს.

საქმეზე გამოძიება სისხლის სამართლის კოდექსის 185-ე მუხლის მე-3 ნაწილით მიმდინარეობს, რაც დიდი ოდენობით ქონების მოტყუებით მისაკუთრებას გულისხმობს და სასჯელი სახით ითვალისწინებს თავისუფლების აღკვეთას 4-დან 6 წლამდე ვადით.