დაავადებათა კონტროლის ცენტრის ხელმძღვანელის, ამირან გამყრელიძის თქმით, პოლიტიკურ შეკრებებზე კორონავირუსით ინფიცირების შემთხვევები ჯერჯერობით არ ჰქონიათ. ამის შესახებ მან საკოორდინაციო საბჭოს სხდომის შემდეგ განაცხადა.

COVID-19-ის შემთხვევების ზრდის გამო კულტურული და სოციალური ღონისძიებების ჩატარება როგორც დახურულ, ისე ღია სივრცეში შეიზღუდა. გამონაკლისს წარმოადგენს პოლიტიკური აგიტაცია და კამპანიები. როგორც განმარტავენ, მსგავსი შეზღუდვის დაწესებამ, შესაძლოა წინასაარჩვენო გარემოზე უარყოფითად იმოქმედოს.

ამასთან, ამირან გამყრელიძე მოუწოდებს პოლიტიკური პარტიის წევრებს, რომ ამომრჩეველთან შეხვედრის დროს პირბადე ატარონ და სოციალური დისტანცია დაიცვან.