ლელოს ქუთაისის მაჟორიტარი დეპუტატობის კანდიდატი ანა ნაცვლიშვილის თქმით, ამავე ოლქში ქართუუთანასწორო საარჩევნო კამპანიას მართავსლი ოცნების კანდიდატი ზაზა ლომინაძე .

მისივე თქმით, 10 ოქტომბერს ქუთაისის ლადო მესხიშვილის სახელობის სახელმწიფო თეატრში სეზონი გაიხსნა, სადაც დასწრება მხოლოდ მოსაწვევებით იყო შესაძლებელი. ნაცვლიშვილის განცხადებით, ბილეთები არ გაყიდეს და ამ შეხვედრას ლომინაძე ესწრებოდა, რაც წინასაარჩევნო უთანასწორო კამპანიის ნაწილია.

როგორც ნაცვლიშვილი ამბობს, კითხვაზე, თუ რატომ არ გაიყიდა ბილეთი, თეატრიდან ოფიციალური წერილი მისწერეს, სადაც განმარტავენ, რომ აღნიშნულ დღეს თეატრში ჩამოდიოდა პრეზიდენტი და "ოფიციოზი".

"ღონისძიებაზე მოწვეული იყო მხოლოდ ქართული ოცნების მაჟორიტარი დეპუტატობის კანდიდატი — ზაზა ლომინაძე. მას, ასევე, მისცეს ღონისძიებაზე სიტყვით გამოსვლის უფლება. ეს არის არა მხოლოდ კანონის დარღვევა — ადმინისტრაციული რესურსის გამოყენება, არამედ ყველა ქუთაისელისთვის საყვარელი მესხიშვილის თეატრის შეურაცხყოფა და კულტურის პარტიული პოლიტიკისთვის გამოყენების საბჭოთა ტრადიციის გაგრძელება. მოვითხოვ საარჩევნო ადმინისტრაციისგან, დაუყოვნებლივ მოახდინოს რეაგირება ქართული ოცნების კანდიდატის მიერ ადმინისტრაციული რესურსის გამოყენებაზე, რაც კანონით ისჯება.

მოვითხოვ ყველა საბიუჯეტო ორგანიზაციის ხელმძღვანელისგან — პარტიული პოლიტიკის ასპარეზად ნუ გადააქცევენ ხალხის ფულით დაფინანსებულ ორგანიზაციებს", — აცხადებს ნაცვლიშვილი და ქართული ოცნების კანდიდატს მოუწოდებს, უარი თქვას კანონდარღვევით უთანასწორო საარჩევნო კამპანიის წარმოებაზე.