ყაზტრანსგაზ-თბილისი დეკემბრის თვეში გაზრდილ გაზის გადასახადთან დაკავშირებით აბონენტებს პასუხობს.

დღეს, 5 იანვარს გამართულ ბრიფინგზე, კომპანიის წარმომადგენელმა განმარტა, რომ აღნიშნული დაკავშირებულია მოხმარების მატებაზე და ეს, თავის მხრივ, ცივ ამინდს უკავშირდება. მისივე თქმით, დეკემბერში 49 პროცენტით მოიმატა მოხმარებამ და 5-8 გრადუსით დაიკლო ტემბპერატურამ, წინა წლის ანალოგიურ პერიოდთან შედარებით:

"ჩვენი აბონენტების მიერ მოხმარებული ბუნებრივი გაზის მატებაზე მნიშნელოვანი გავლენა მოახდინა გარემო ტემპერატურის მკვეთრმა კლებამ. ნებისმიერ აბონენტს, დაინტერესების შემთხვევაში, თვითონვე შეუძლია დაიანგარიშოს მოხმარებული ბუნებრივი აირის, როგორც მოცულობა, ასევე, ღირებულება. თუ აბონენტს ეჭვი ეპარება მრიცხველის გამართულ მუშაობაში, შეუძლია მოგვმართოს ცხელ ხაზზე 2 404004 ან ნებისმიერ სადისტრიბუციო ცენტრში".

ყაზტრანსგაზ-თბილისი აცხადებს, რომ გაზის ხარისხი მათი პასუხისმგებლობა არ არის და რომ ისინი ინფორმაციას იღებენ გაზის ტრანსპორტირების კომპანიისგან.

თბილისის მოსახლეობის გარკვეულ ნაწილს გაზგამანაწილებელი კომპანიის მიმართ პრეტენზიები აქვთ. ისინი აცხადებენ, რომ 2016 წლის დეკემბერში ბუნებრივი აირის დანახარჯი საგრძნობლადაა მომატებული.