თბილისის მერის, კახა კალაძის განცხადებით, უკვე მუშავდება გზის პროექტი, რომლის მიხედვით ყიფშიძის ქუჩიდან ჭაბუა ამირეჯიბის გზატკეცილზე ჩასასვლელი გზის პროექტი განხორციელდება. კალაძის თქმით, მზა პროექტი უახლოეს მომავალში იქნება.

"ჩვენ რამდენიმე ცხელი წერტილი გვაქვს. ეს არის ყიფშიძის ქუჩა, რომელიც სერიოზულ პრობლემას წარმოადგენს მისი დატვირთვის გამო. პიკის საათებში ქუჩა იჭედება და აღნიშნული პროექტი ვითარებას შეცვლის", — განაცხადა კალაძემ მუნიციპალიტეტის მთავრობის სხდომაზე.

მან, ასევე, აღნიშნა, რომ პროექტით გათვალისწინებული სამუშაოების დაწყებას მომავალი წლიდან ფიქრობენ.