თბილისის ცენტრალური პარკი, ყოფილი იპოდრომის ტერიტორიაზე, 36 ჰექტარზე განთავსდება. აქედან, 22 ჰექტარი იქნება ვაკე ტერიტორია, 14 — ფერდობი. ამის შესახებ თბილისის მერმა, კახა კალაძემ პროექტის პრეზენტაციის დროს ისაუბრა.

კალაძის თქმით, პარკის ტერიტორიაზე განთავსდება:

  • იაპონური ბაღი;
  • საგანმანათლებლო ცენტრი;
  • პანორამული პლატფორმა;
  • ხელოვნური ტბა (გუბურა);
  • ამფითეატრი;
  • ბოტანიკური ბაღი;
  • შადრევანი და პანორამული ხიდი;
  • კვების ზონა და მთავარი მდელო;
  • ფრანგული ბაღი;
  • ძაღლების სასეირნო.

ამასთან, აქ წარმოდგენილი იქნება 26 ზონა. მათ შორის:

  • კვების ზონა;
  • იაპონური ბაღი;
  • საგანმანათლებლო ცენტრი;
  • მდელო;
  • ზიპლაინი;
  • სპორტული ზონა;
  • ამფითეატრი;
  • ფრანგული ბაღი;
  • შადრევანი;
  • ბოტანიკური ბაღი;
  • სკეიტპარკი;
  • სასაზღვრო სატყეო ზონა;
  • ძაღლების სასეირნო;
  • ეკოლოგიური ზონა;
  • სამი ავტოსადგომი;
  • თოკების პარკი;
  • ორი გვირაბი;
  • საფეხმავლო ხიდი;
  • ველოსიპედების ბილიკები;
  • ლაშქრობა;
  • კლდეზე ცოცვა;
  • სტრიტბოლი.

გარდა ზონირებისა, პარკის ტერიტორიაზე რამდენიმე ბილიკი იქნება. მათ შორის:

  • მთავარი ბილიკი;
  • ველოსიპედების ბილიკი;
  • სასეირნო ბილიკი;
  • ბაღების ბილიკი;
  • იაპონური ბაღების ქვის ბილიკი;
  • მთის ბილიკები;
  • მთის ველო ბილიკი.

კალაძის თქმით, ბევრი ბილიკის განთავსების გადაწყვეტილება იქიდან გამომდინარე მიიღეს, რომ პარკში სეირნობის დროს ადამიანებმა ერთმანეთს ხელი არ შეუშალონ.

"აი, მაგალითად, ადამიანი, რომელიც ფეხით დასეირნობს, იქ ვიღაცას შეიძლება სურვილი ჰქონდეს ველოსიპედით ან ელექტროსკუტერით გაისეირნოს. ერთმანეთს ხელი, რომ არ შეუშალონ აი ამიტომ", — განმარტა კალაძემ.

5 ოქტომბერს, თბილისის მერიამ გაავრცელა ინფორმაცია, რომ ყოფილი პრემიერმინისტრი და ქართული ოცნების ლიდერი, ბიძინა ივანიშვილი ქალაქს იპოდრომს გადასცემს, სადაც ფონდი ქართუს დახმარებით გაშენდება თბილისის ცენტრალური პარკი, რომელიც რამდენიმე ათეული მილიონი დაჯდება.