საქართველოს ყოფილმა პრეზიდენტმა, მიხეილ სააკაშვილმა Facebook-ის საკუთარ გვერდზე გამოაქვეყნა ვიდეო, რომელიც კომპიუტერულ თამაშ Super Mario-ს მიხედვითაა მომზადებული. ბიძინა ივანიშვილის გამოსახულება მარიოს მსგავსად დადის და ქულებს აგროვებს, ერთ-ერთი ყუთიდან კი ხახვი ვარდება, სავარაუდოდ, წინა წლებში გავრცელებული ინფორმაციის გავლენით, რომლის მიხედვითაც, ქართული ოცნება მოსახლეობის მოსყიდვას ხახვითა და კარტოფილით ცდილობდა.

ვიდეოს ბოლოს ერთ-ერთი მილიდან მიხეილ სააკაშვილის ფიგურა ამოდის და ივანიშვილს "ამარცხებს", შემდეგ კი მოდის წარწერა შავ ფონზე — 31 ოქტომბერი.