ქართული ოცნების თავმჯდომარეს, ბიძინა ივანიშვილს მისივე პარტიის წევრებმა სიტყვით გამოსვლა ტაშით თითქმის 20-ჯერ შეაწყვეტინეს. სიტყვის დასრულების შემდეგ კი ივანიშვილს თანაგუნდელები ტაშს ერთი წუთის განმავლობაში უწყვეტად, ფეხზე დამდგარი უკრავდნენ.

40-წუთიან სიტყვაში ივანიშვილმა უმეტესად ყოფილ ხელისუფლებასა და მათთან სხვაობაზე ისაუბრა, რასაც პარტიის წევრები ტაშით ხვდებოდნენ. ივანიშვილს ტაშს უკრავდნენ მაშინ, როცა ის პარტიას აქებდა და მაშინაც, როცა სიტყვა "უალტერნატივო" სწორად ვერ წარმოთქვა და რამდენჯერმე სცადა გამეორება.

სიტყვის დასრულების შემდეგ პარტიის თავმჯდომარეს ფეხზე პირველად პრემიერმინისტრი გიორგი გახარია წამოუდგა, შემდეგ კი მთელი დარბაზი.

ფოტო: კადრი ვიდეოდან / იმედი

გაიგეთ მეტი ივანიშვილის სიტყვით გამოსვლაზე: