დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის თქმით, კორონავირუსით ინფიცირებულ 25 კრიტიკულ პაციენტს შორის 7 ოკუპირებულ აფხაზეთიდანაა გადმოყვანილი და ისინი მართვით სუნთქვაზე იმყოფებიან.

ენდელაძის ცნობით, დღეის მონაცემებით, მართვით სუნთქვაზე სულ 23 ინფიცირებული პირია.

საქართველოში კორონავირუსის 314 ახალი შემთხვევა გამოვლინდა, გამოჯანმრთელდა 270 ადამიანი. ინფორმაცია StopCov-ზე განახლდა.

სულ ქვეყანაში კორონავირუსის 5 866 შემთხვევაა დადასტურებული. აქედან 2 324 ადამიანი უკვე გამოჯანმრთელდა, 33 კი გარდაიცვალა.

5 637 ადამიანი იმყოფება კარანტინში, ხოლო 836 — სტაციონარში მეთვალყურეობის ქვეშ. ამასთან, 800 პირი კოვიდსასტუმროშია მოთავსებული.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: