საქართველოს პრეზიდენტმა, სალომე ზურაბიშვილმა შეშფოთება გამოთქვა ყარაბაღში მიმდინარე კოფლიქტის გამო, რომელშიც აზერბაიჯანი და სომხეთია ჩართული. მან მშვიდობისკენ მოუწოდა დაპირისპირებულ მხარეებს და განაცხადა, რომ სტაბილურობა და მშვიდობა რეგიონში ყველას საერთო საქმე უნდა იყოს.

სომხეთის პრემიერმინისტრის, პაშინიანის განცხადებით, აზერბაიჯანმა საჰაერო და საარტილერიო შეტევა წამოიწყო. აზერბაიჯანის მხარე აცხადებს, რომ ეს პასუხი იყო დაბომბვაზე, რომელსაც მოქალაქეები შეეწირნენ. BBC-ის ინფორმაციით, ჩამოდგებულია მინიმუმ ერთი აზერბაიჯანული ვერტმფრენი. ვრცელდება ინფორმაცია მსვერპლზეც, თუმცა მონაცემები ამ დროისთვის დაზუსტებული არ არის.

ყარაბაღში სამხედრო მდგომარეობა და საერთო მობილიზაცია გამოცხადდა. რადიო თავისუფლების სომხური ბიუროს ინფორმაციით, თვითაღიარებული ყარაბაღის პრეზიდენტმა, არაიკ არუტიუნიანმა განაცხადა, რომ 18 წელზე მეტი ასაკის კაცები ჯარში უნდა გამოცხადდნენ. ის მომხდარზე სრულ პასუხისმგებლობას აზერბაიჯანსა და მის პრეზიდენტს, ილჰამ ალიევს აკისრებს.

რუსეთის საგარეო საქმეთა სამინისტრომ მოუწოდა ყარაბაღის კონფლიქტში ჩართულ მხარეებს, შეწყვიტონ ცეცხლი და მოლაპარაკებები დაიწყონ. მოკლე განცხადება, რომელშიც აღნიშნულია, რომ ორივე მხარე ინტენსიურ ცეცხლს აწამოებს და ვრცელდება ინფორმაცია დაღუპულებზე, უწყების ვებგვერდზე გამოქვეყნდა.

მთიან ყარაბაღში კონფლიქტი ბოლო თვეებში რამდენჯერმე გამწვავდა. სომხეთი და აზერბაიჯანი ტერიტორიასთან დაკავშირებით უკვე 40 წელია, დავობენ.