ლეიბორისტული პარტიის ლიდერმა, შალვა ნათელაშვილმა ქალი კანდიდატები წარდგენისას სექსისტურად მოიხსენია. კაცი კანდიდატებისგან განსხვავებით, ქალების წარდგენისას მან მხოლოდ ვიზუალურ მახასიათებლებს გაუსვა ხაზი.

"გემრიელი ლუკმა, ულამაზესი ლუკმა შემოვინახეთ ბოლოსთვის. სამ უმშვენიერეს გოგონას, ახალგაზრდას ვასახელებთ საკრებულოებში წევრობის კანდიდატად — ონში მარიამ გოჩალეიშვილს, თელავში თამარ მენაბდიშვილს, მანგლისში თათია მაისურაძეს. მარტო ამ სილამაზის გამო მოგცემენ ხმას", — განაცხადა ნათელაშვილმა.

ლეიბორისტულმა პარტიამ 2020 წლის საპარლამენტო არჩევნებისთვის 10 ოლქში მაჟორიტარობის კანდიდატები წარადგინა. წარდგენისას პარტიის ლიდერმა, შალვა ნათელაშვილმა განაცხადა, რომ მზადაა პრემიერმინისტრი გახდეს.