ჯანდაცვის მინისტრის მოადგილის, თამარ გაბუნიას განცხადებით, აჭარაში საქალაქთაშორისო ტრანსპორტის შეზღუდვაზე საუბარი ზეგიდან იქნება.

"ხვალიდან იგეგმება მუნიციპალური ტრანსპორტის შეზღუდვა და უკვე ზეგიდან იქნება საუბარი საქალაქთაშორისო ტრანსპორტის შეზღუდვაზე. რა თქმა უნდა, ჩვენ გვესმის, რომ ეს იქნება გარკვეული დისკომფორტის გამომწვევი, მაგრამ იმედს ვიტოვებთ, რომ დიდი ხანი არ დაგვჭირდება ამ შეზღუდვის გამოყენება, რადგან ახლა ვართ იმ ეტაპზე, როდესაც ეპიდემია პრაქტიკულად მიდის სტაბილიზაციისკენ", — განაცხადა გაბუნიამ.

დღეს მთავრობის ადმინისტრაციაში გამართულ ბრიფინგზე ნათია მეზვრიშვილმა განაცხადა, რომ აჭარის რეგიონში ხვალიდან, 25 სექტემბრიდან საზოგადოებრივი ტრანსპორტი მთლიანად გაჩერდება. აჭარაში, ასევე, 22:00 საათის შემდეგ რესტორნების მუშაობა აიკრძალა.