დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის მოადგილის, თამარ გაბუნიას თქმით, სეზონური გრიპისა და კორონავირუსის სიმპტომები ძალიან მსგავსია, თუმცა ერთ-ერთი მთავარი ფაქტორი ტემპერატურის მატებაა. ამის შესახებ მან რუსთავი 2-ის ეთერში ისაუბრა.

გაბუნია მშობლებს ურჩევს, რომ დააკვირდნენ ბავშვის ტემპერატურის მატებას, თუ ის თავს შეუძლოდ იგრძნობს, ბავშვი სახლში უნდა დარჩეს და უნდა მიმართონ ოჯახის ექიმს, რომელიც შეაფასებს სიმპტომებს. რაც შეეხება გარჩევას, გაბუნია ამბობს, რომ ეს ტესტირებით არის შესაძლებელი.

"ჩვენ მაქსიმალურ მობილიზებას გავაკეთებთ იმისთვის, რომ ტესტირება ამბულატორიულ პირობებში მარტივად იყოს შესაძლებელი, რომ კორონავირუსი გამოირიცხოს და გრიპის მსუბუქი და მარტივი შემთხვევების ბინაზე მართვა მარტივად არის შესაძლებელი", — განაცხადა გაბუნიამ.

გარდა ამისა, მინისტრის მოადგილე აღნიშნავს, რომ პირადი დაცვის საშუალებები, რომელიც კორონავირუსის წინააღმდეგ უნდა გამოიყენონ. გრიპის შემთხვევაშიც ეფექტურია.

"ამდენად პირბადის გამოყენება, ხელის ჰიგიენა და ფიზიკური დისტანცირება ეს არის ის, რაც დაგვიცავს როგორც კორონავირუსისგან, ისე გრიპისგან. ყველა მშობელმა უნდა იცოდეს და თავადაც შეახსენონ ბავშვებს, რომ ამ წესებს მიმართონ", — აღნიშნავს იგი.

რაც შეეხება გრიპის ვაქცინაციას, გაბუნიას თქმით, ქვეყანაში 135 ათასი გრიპის ვაქცინა შემოვა, რომელიც ყველასთვის ხელმისაწვდომი იქნება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: