შეზღუდული დრო და უსაზღვრო ინფორმაცია ჩვენი ყოველდღიურობის ბუნებრივი ნაწილია: იმდენად ბუნებრივი, რომ ხშირად გვავიწყდება, როგორ ვცხოვრობდით აქამდე. 2011 წლის მონაცემებით, ადამიანი, რომელსაც ინტერნეტთან წვდომა აქვს, 1986 წელთან შედარებით ხუთჯერ მეტ ინფორმაციას იღებს — ეს კი 174 გაზეთის ეკვივალენტია. ამ რაოდენობის ინფორმაციაში ორიენტირება მარტივი პროცესი არაა.

თითქოს ეს საკმარისი თავსატეხი არაა, ყველაფერი რთულდება, როცა ქართული კომპანიების შესახებ გვინდა ინფორმაციის მოძიება. სწორედ ასეთ დროს აღმოვაჩენთ ხოლმე, რომ რუკაზე ძველი მისამართია დატანილი, ტელეფონის ნომერზე დარეკვისას კი ვერასდროს გავდივართ ხაზზე.

აპლიკაცია Star Phone, რომელიც 77 ქვეყანაში ფუნქციონირებს და უკვე საქართველოშიც არის ხელმისაწვდომი, სწორედ ამ პრობლემების მოსაგვარებლად შეიქმნა. ის თავს უყრის ინფორმაციას ჯანდაცვის, საბანკო, სამთავრობო თუ არასამთავრობო სექტორებში მოქმედი არაერთი დაწესებულების შესახებ.

აი, 5 მიზეზი, რის გამოც Star Phone მობილურში უნდა გქონდეთ:

1. სასურველი ინფორმაციის მოძიებას ბევრად ნაკლები დრო სჭირდება

Star Phone-ის მეშვეობით სასურველი კომპანიის სერვისების, ადგილმდებარეობისა თუ საკონტაქტო ინფორმაციის მოპოვება ადვილზე ადვილია. აღარ მოგიწევთ ცალკე ფეიჯის შემოწმება ფეისბუქზე, ცალკე საიტზე გადასვლა, ცალკე — რუკაში ძრომიალი. ვის აქვს ამდენი დრო? ამ სტატიის ავტორს — ნამდვილად არა.

2. ნაკლები გახსნილი ტაბი და, შესაბამისად, ნაკლები სტრესი

ვინც Star Phone-ს იყენებს, არასდროს უწევს მობილურთან შეუთავსებელი საიტის ციცქნა ეკრანზე დათვალიერება. თუ ერთხელ მაინც დაკარგულხართ კომპანიების ვებსაიტებზე ინფორმაციის ლაბირინთებში და მაინც ვერ მიგიგნიათ სამუშაო საათებისთვის, მაშინ Star Phone თქვენი საუკეთესო მეგობარი გახდება.

3. შეგიძლიათ აპლიკაციიდან გაუსვლელად შეადაროთ ერთმანეთს სხვადასხვა ვარიანტი

არაფერია იმაზე რთული, ვიდრე იმის გადაწყვეტა, რომელ კომპანიაზე უნდა
შევაჩეროთ საბოლოო არჩევანი. ასეთ დროს ხშირად ახლობლების მიერ მოძიებულ ინფორმაციას ვეყრდნობით, ხანდახან კი ფეისბუქ ჯგუფებში გვიწევს უამრავი კომენტარის წაკითხვა.

აპლიკაციაში შეგიძლიათ ობიექტები ინდუსტრიის მიხედვით გაფილტროთ და ერთმანეთს შეადაროთ. გარდა ამისა, Star Phone ძებნის ისტორიასაც დაიმახსოვრებს. თუკი ერთხელ დაძებნეთ ესა თუ ის დაწესებულება, შეიძლება მომავალშიც დაგჭირდეთ.

4. მარტივი და ფუნქციონალური დიზაინი

Star Phone ყველაზე მეტად იმ ადამიანებს გამოადგებათ, რომლებიც სიმარტივეს აფასებენ. იმის გამო, რომ აპლიკაციის მთავარი მიზანი ქართული ინტერნეტის ქაოსის მოწესრიგებაა, მასში ვერაფერ ზედმეტს ვერ ნახავთ. სასურველ ინფორმაციასთან მაქსიმუმ სამი კლიკი გაშორებთ.

5. ციფრული კომფორტი

როგორც უკვე აღვნიშნეთ, რაკი ინფორმაციის ნაკადს ვერაფერს მოვუხერხებთ, ის მაინც შეგვიძლია, რომ მისი მიღების პროცესი მაქსიმალურად მოვირგოთ ჩვენს თავზე. Star Phone ინფორმაციის მოძიების გარდა, კომპანიებთან კომუნიკაციაშიც დაგეხმარებათ: ოჯახის ექიმთან ჩაწერა, აპლიკაციიდანვე ვაკანსიების ნახვა და CV-ის გაგზავნა მხოლოდ რამდენიმე მაგალითია.

ცხოვრების გამარტივება აპლიკაციის გადმოწერით სულ რამდენიმე წამში შეგიძლიათ. Star Phone ხელმისაწვდომია როგორც IOS-ის, ისე Android-ის მომხმარებლებისათვის.