პარლამენტის პირველი ვიცე-სპიკერი, გია ვოლსკი ამბობს, რომ ექსპრეზიდენტი მიხეილ სააკაშვილი მანიით არის შეპყრობილი. ამის შესახებ მან პარლამენტში სიტყვით გამოსვლის დროს განაცხადა.

"ან მეუღლის დაყენება ჯერ კანდიდატად, ახლა დედის დაყენება კანდიდატად, რაღაცა მანია აქვს ამ ადამიანს. შეპყრობილია ეს ადამიანი. გაიგეთ უკვე ყველამ და იქნებ მისმა მომხრეებმა მაინც უთხრან, რომ არ შეიძლება ასე ბურთაობა ქვეყნის ინტერესებით", — განაცხადა ვოლსკიმ.

მმართველი გუნდის დეპუტატის თქმით, სააკაშვილმა არაერთხელ დააანონსა ქვეყანაში ჩამოსვლა და, მისი შეფასებით, ის ქვეყანას "უგვანო სიტყვებით აგინებს":

"თურმე მან შექმნა ქართველი ერი, მან მოიტანა საქართველოშ კულტურა, და ამავე დროს უკიდურესად, უგვანო სიტყვებით აგინებს ქართველ ერს, ხალხს და კიდევ კარგი ის საუბარი გამოქვეყნდა, სადაც ეს დავინახეთ".

ნაციონალური მოძრაობის დეპუტატის, კობა ნაყოფიას განცხადებით, შესაძლოა, ექსპრეზიდენტის, მიხეილ სააკაშვილის დედა, გიული ალასანია ზუგდიდში მაჟორიტარობის კანდიდატი იყოს.