აჭარაში პოლიციის 3 თანამშრომელს კორონავირუსი დაუდასტურდა. შინაგან საქმეთა სამინისტროს ცნობით, კოვიდ-19 პოლიციის დეპარტამენტის ორ, ხოლო საპატრულო პოლიციის აჭარის მთავარი სამმართველოს ერთ თანამშრომელს დაუფიქსირდა.

უწყების ცნობით, სამივე პოლიციელის მკურნალობა კლინიკაში მიმდინარეობს და მათი მდგომარეობა სტაბილურია. თანამშრომლების ტესტების პასუხები 12-13 სექტემბერს გახდა ცნობილი.

შსს-ს ინფორმაციით, ყველა თანამშრომელი, ვისთანაც ინფიცირებულებს უშუალო კონტაქტი ჰქონდათ, კარანტინში გადაიყვანეს და ტესტები უკვე აუღეს.