რუსთავი 2-ის აღმასრულებელი დირექტორის, ირაკლი იმნაიშვილის თქმით, ყველაფერს გააკეთებენ, რომ ტელევიზიამ მაუწყებლობა არ შეწყვიტოს და ეთერი შენარჩუნდეს.

"ჩვენ ყველაფერს გავაკეთებთ, რომ ეთერი შენარჩუნდეს, ჩვენ ყველაფერს გავაკეთებთ, რომ დღის წესრიგით საფრთხე არავის შეექმნას, როგორც ჩვენს თანამშრომლებს, ასევე, ყველას, ვისაც ჩვენ თანამშრომლებთან შეხება აქვთ", — განაცხადა ირაკლი იმნაიშვილმა.

დღეს, რუსთავი 2-ის თანამშრომელს თეონა ცხომელიძეს კორონავირუსი დაუდასტურდა.

11 სექტემბრის მონაცემებით, საქართველოში კორონავირუსის 87 ახალი შემთხვევა გამოვლინდა, გამოჯანმრთელებულთა რიცხვი კი 20-თ გაიზარდა. ამის შესახებ ინფორმაცია დაავადებათა კონტროლის გვერდზე განახლდა.

ჯამში ქვეყანაში კორონავირუსის 1 917 დადასტურებული შემთხვევაა, მათ შორის გამოჯანმრთელდა — 1 354, გარდაიცვალა — 19. კარანტინის რეჟიმში — 5 882 პირი იმყოფება, სტაციონარში მეთვალყურეობის ქვეშ — 390.