რუხის საავადმყოფოს კლინიკური დირექტორის მოვალეობის შემსრულებლის, მაიკო ჯანაშიას განცხადებით, ოკუპირებული გალის რაიონიდან მათ კლინიკაში ოთხი პაციენტი გადმოიყვანეს. როგორც ჯანაშიამ On.ge-ს განუცხადა, მათ შორის ერთი სოფელ საბერიოში მდებარე ჰიდროელექტროსადგურ ენგურჰესის თანამშრომელია, მეორე ინფიცირებულის კონტაქტია, დანარჩენი ორის კონტაქტებს კი ამჟამად იკვლევენ.

"სამი ინფიცირებული დღეს დილით გადმოიყვანეს ჩვენს კლინიკაში", — განაცხადა ჯანაშიამ.

კორონავირუსის პანდემიის გამო ენგურის ხიდი, რომელიც გალის რაიონის მცხოვრებთათვის დანარჩენ საქართველოსთან დამაკავშირებელი ერთადერთი გზაა, დღემდე ჩაკეტილია.