ტელეკომპანია პირველის დირექტორის, ინგა გრიგოლიას თქმით, კორონავირუსის ტესტი ტელევიზიის ყველა თანამშრომელს ჩაუტარდება. ამის შესახებ მან ტელევიზიის ეთერში ისაუბრა.

"მე პირადად დავუკავშირდი ამირან გამყრელიძეს, მას ავუხსენი ვითარება და ვუთხარი, რომ რამოდენიმე ადამიანს უშუალო კავშირი ჰქონდა ინფიცირებულთან. მისი რეკომენდაცია იყო ასეთი: ტელეკომპანიამ გააგრძელოს მუშაობა, ჩვენ დაგვიკავშირდებიან დაავადებათა კონტროლის ცენტრიდან და რა რეკომენდაციებსაც მოგვცემენ, იმის მიხედვით ვიმოქმედებთ. ტელევიზიის ყველა თანამშრომელს აუცილებლად ჩაუტარდება ტესტირება", — განაცხადა გრიგოლიამ.

TV პირველის ჟურნალისტს, ვიკა ბუკიას კორონავირუსი დაუდასტურდა. მას საკუთარი გადაცემა ტელევიზიაზე შემდეგ ორშაბათს უნდა დაეწყო.