აზერბაიჯანელი ოპოზიციონერის მხარდასაჭერად მუხთარლი და სხვა აქტივისტები მერკელის ოფისთან შიმშილობენ

აზერბაიჯანელი ოპოზიციონერის, ტოფიგ იაგუბლის მხარდასაჭერად ჟურნალისტებისა და აქტივისტების ჯგუფმა გერმანიაშია, კანცლერი ანგელა მერკელის ოფისის წინ შიმშილობა დაიწყო.აქციაში ჩაერთო აზერბაიჯანიდან გაქცეულმა ჟურნალისტმა, აფგან მუხთარლიმ.

როგორც მისი ცოლი, ლეილა მუსტაფაევა ფეისბუქზე წერს, მოშიმშილეების მოთხოვნაა, გათავისუფლდნენ აზერბაიჯანში პოლიტიკური პატიმრები. გარდა ამისა, ისინი ითხოვენ, რომ ევროკავშირის ქვეყნებმა ადამიანის უფლებების უხეში დარღვევის გამო პრეზიდენტ ილჰამ ალიევის ოჯახისა და მაღალჩინოსნების მიმართ სანქციები გაატარონ.

ტოფიგ იაგუბლუ 22 მარტს დააკავეს. აზერბაიჯანის პოლიცია ამტკიცებს, რომ ავტოსაგზაო შემთხვევა მოაწყო და ოჯახს დაესხა თავს. იაგუბლუ აცხადებს, რომ ის პროვოკაციის მსხვერპლია. ლიბერალებისა და დემოკრატების ალიანსმა მიიჩნია, რომ იაგუბლუს დაკავება პოლიტიკური რეპრესიების ნაწილია. სასამართლომ იაგუბლუს 4 წლითა და 3 თვით თავისუფლების აღკვეთა მიუსაჯა. პროტესტის ნიშნად მან შიმშილობა დაიწყო.

საერთაშორისო არასამთავრობო ორგანიზაციები Human Rights Watch და Human Rights Watch ოპოზიციონერს პოლიტპატიმრად მოიხსენიებენ. გარდა ამისა, აშშ-მ, დიდმა ბრიტანეთმა და ევროკავშირმა მოუწოდა აზერბაიჯანს გადახედოს გამამტყუნებელ განაჩენს.

ბოლო ამბები:

გირჩევთ