ამერიკის შეერთებული შტატების ელჩმა საქართველოში, კელი დეგნანმა ლუგარის ლაბორატორიაზე კიბერთავდასხმასთან დაკავშირებით განაცხადა, რომ ეს ფაქტი არის შეხსენება იმისა, რომ მავნე აქტორები აგრძელებენ საზიანო მოქმედებებს.

"ისინი იყენებენ ამას დესტაბილიზაციისა და დაბნეულობის გამოსაწვევად. საქართველომ უნდა გააგრძელოს კიბერუსაფრთხოების მიმართ სამუშაოები. ასევე, ამ სფეროში სტანდარტების გაზრდისკენ, რა თქმა უნდა, ამერიკის შეერთებული შტატები გააგრძელებს საქართველოს დახმარებას", — განაცხადა კელი დეგნანმა. (რუსთავი 2-ის თარგმანი)

საქართველოს შინაგან საქმეთა სამინისტროს ინფორმაციით, 3 სექტემბერს ჯანდაცვის სამინისტროს კომპიუტერულ სისტემაზე უცხო ქვეყნის სპეცსამსახურების მიერ კიბერშეტევა განხორციელდა. უწყებაში ამბობენ, რომ მართლსაწინააღმდეგოდ დაეუფლნენ ლუგარის ლაბორატორიის მონაცემებსაც, რაც ამ დროისთვის ერთ-ერთ უცხოურ ვებ-გვერდზე ხელმისაწვდომია. შსს არ აკონკრეტებს, რომელი ქვეყნის სპეცსამსახურებზე საუბრობს.

გაიგეთ მეტი: