ევროპული საქართველოს მაჟორიტარობის კანდიდატი გორსა და კასპში, ლევან თარხნიშვილი საქართველოს ცენტრალური კომისიის მიერ საარჩევნო ოლქებში დამოუკიდებელი წევრების დანიშვნას ეხმაურება.

ლევან თარხნიშვილის თქმით, ცესკომ არ გაითვალისწინა ეუთოს და სხვა საერთაშორისო და ადგილობრივი სადამკვირვებლო მისიების რეკომენდაციები და საარჩევნო ოლქებში "დამოკიდებელი" წევრები დანიშნა, რომლებიც სინამდვილეში ქართული ოცნების პარტიულ აქტივს წარმოადგენენ. თარხნიშვილმა აღნიშნა, რომ ამგვარი ქმედებები ქართულ ოცნებას ვერ უშველის ოქტომბრის საპარლამენტო არჩევნებში და ევროპული საქართველო იქნება კომპასი, რომელიც მოიტანს გარდამტეხ ცვლილებებს 31 ოქტომბრის შემდეგ.

"სამწუხარო ტრადიცია გრძელდება. ცესკომ ისევ არ გაითვალიწინა ეუთოსა და ყველა საერთაშორისო, თუ ადგილობრივი სადამკვირვებლო ორგანიზაციის რეკომენდაცია და ყოველგვარი კრიტერიუმის გარეშე ირჩევს საარჩევნო ოლქების "დამოუკიდებელ" წევრებს. რეალურად ეს იგივე ქოცაქტივია. მაინც არ გიშველით. 31 ოქტომბერს ჩვენ ყველანი მოვახდენთ გარდამტეხ ცვლილებებს და ევროპული საქართველო იქნება ამომრჩევლის კომპასი ამ ცვლილებებისთვის", — განაცხდა ლევან თარხნიშვილმა.