რა გვჭირდება მეგობრებთან ერთად გასართობად? კარგი გარემო, საჭიროების შემთხვევაში, განვითარებულ დასახლებულ პუნქტებთან სიახლოვე და რასაკვირველია, თავად მეგობრები. მართალია, მონდომებული მეგობრები ყველა გარემოებაში შეძლებენ დასვენების დღეები დაუვიწყარ დღესასწაულად აქციონ, თუმცა ამისთვის გარკვეული პირობები მაინც უნდა არსებობდეს.

ყაზბეგი

ფოტო: Shutterstock

საქართველოში ერთ-ერთი ყველაზე პოპულარული ტურისტული ლოკაციაა, რომელსაც აქამდე მეტწილად უცხოელები ეტანებოდნენ. აღნიშნული შეიძლება განპირობებული იყოს იმით, რომ აღმოსავლეთის მთიანეთის სხვა მხარეებისგან განსხვავებით, აქ ბოლომდე ასფალტირებული და კეთილმოწყობილი გზა არის, რაც სტეფანწმინდაში და მის სიახლოვეს არსებულ სოფლებში მოხვედრას აადვილებს. საკუთრივ სტეფანწმინდის გარდა, ყაზბეგის მუნიციპალიტეტში, ზვიადი მთების ძირში თუ მათ მწვერვალებთან სიახლოვეს კომფორტული გესთჰაუსი შეგიძლია იპოვო. სოფელი გარბანი თბილისიდან 150, ხოლო სტეფანწმინდიდან 7 კილომეტრით არის დაშორებული. აქ შეგიძლია ისეთი მზის ამოსვლები ნახო კლდეების ფონზე, რაც შენს დასვენებას ნამდვილად გამორჩეულს გახდის.

ციხისძირი

ფოტო: Myhome.ge

ბათუმიდან 26 კილომეტრით არის დაშორებული და ამ მშვენიერი ქალაქისგან სიმყუდროვის მეტი შეგრძნება, თავისუფალი სივრცეები და ფანტასტიკური სილამაზის პლაჟები გამოარჩევს. თუ მეგობრები საკმარისი არ აღმოჩნდა შენთვის, შეგიძლია რამდენიმე წუთში ბათუმში გადაირბანო, საღამოს კი ისევ ზღაპრის პერსონაჟად იგრძნო თავი.

არმაზი

ფოტო: Shutterstock

შესანიშნავი ადგილია თბილისთან ახლოს დასასვენებლად და კვირის დასვენების დღეების გასატარებლად. არმაზი მცხეთიდან სულ 4 კილომეტრით არის დაშორებული, მტკვრის პირას განთავსებულია რესტორანი, ხოლო საფეხმავლო ხიდის გავლით კოტეჯებთან მოხვდებით. მწვანე მდელოზე, მდინარის პირას არსებულ ხის კოტეჯებში შეგიძლია მეგობრებთან ერთად შესანიშნავი დრო გაატარო.

მთაში, ბარში თუ ზღვაზე, მთელი საქართველოს მასშტაბით შეგიძლია მარტივად ნახო საშენო დასასვენებელი სახლი rent.myhome.ge-ზე. ახალი პლატფორმის მეშვეობით ონლაინ დაჯავშნით შენთვის სასურველ ნებისმიერი ტიპის ქონებას, ეს იქნება ბინა, სახლი სასტუმრო თუ კოტეჯი და ვებგვერდიდან გაუსვლელად მიიღებ ინფორმაციას სხვა დამატებითი სერვისების შესახებ. Visa-ს ბარათით დაჯავშნისას კი გადახდილი თანხის 20% ანგარიშზე დაგიბრუნდება.