თბილისის მერმა, კახა კალაძემ, პროექტის ფარგლებში, რომლის მიხედვითაც მიწისქვეშა ურნები უნდა განთავსდეს ჭავჭავაძეზე, იქ მცხოვრები ადამიანებისთვის სპეციალური ბროშურები დაამზადა.

"თქვენ იცით, რომ ამ პროექტის ფარგლებში განვახორციელეთ საპილოტე პროგრამა. ეს არის მიწისქვეშა ნარჩენების ურნები, რომელიც მიწის ქვემოთ არის განთავსებული. ჭავჭავაძეზე მცხოვრები ადამიანებისთვის, ჩვენ დავამზადეთ სპეციალური ბროშურები, რომელიც ყველა ოჯახში შევა და ექნება ინფორმაციის სახე, თუ როგორ მოხერხდება ამ მიწისქვეშა ურნების გამოყენება", — განაცხადა კალაძემ.

მიწისქვეშა ურნების პროექტის დაწყება კალაძემ 2019 წლის 22 მაისს დააანონსა. მისი თქმით, თავდაპირველად ურნები ჭავჭავაძის გამზირზე დაიდგმებოდა, თუმცა შემდგომში სხვა ქუჩების რეაბილიტაციისას, იმავე მიდგომას გამოიყენებდნენ.