ფეისბუქი ცდილობს, რომ სტატუსები უფრო ინტერაქციული გახადოს. რამდენიმე საათის წინ ანდროიდის აპლიკაციისთვის ახალი ფუნქცია ჩაირთო, რომელიც მომხმარებლებს საშუალებას აძლევს, სტატუსებს ფერადი ფონი შეუქმნან.

სტანდარტული თეთრი ფონის ნაცვლად შეგიძლიათ აირჩიოთ როგორც სტანდარტული ფერთა გრამა, ასევე გრადიენტები. ფუნქცია ჯერჯერობით სატესტო რეჟიმში მუშაობს, მაგრამ ფეისბუქის განცხადებით, მალე სიახლე ყველა მოწყობილობისთვის იქნება ხელმისაწვდომი.

განახლებამ წესით ის მომხმარებლები უნდა წაახალისოს, რომლებიც ორიგინალურ კონტენტს ქმნიან სტატიების თუ ვირუსული ვიდეოების გაზიარების ნაცვლად. აპრილის სტატისტიკის თანახმად, ორიგინალური კონტენტის განთავსება ფეისბუქზე წლიურად 20%-ით მცირდება.

ფეისბუქი აცხადებს, რომ მომავალში ეცდება, ქსელს პირველადი დანიშნულება - განახლებების ნახვა მეგობრების და ოჯახის წევრებისგან - დაუბრუნოს. ამ ინიციატივის ფარგლებში ცოტა ხნის წინ შეიცვალა სტატუსების ფონტის ზომაც.

თუ ზემოთ ჩასმულ სტატუსს მხოლოდ ტექსტის ფორმით ხედავთ, ესე იგი, ფუნქცია ჯერ კიდევ არ ჩართულა თქვენთვის. რამდენიმე მაგალითი ქართული ფეისბუქიდან.