"კანონი კი არ არის ცუდი, თქვენა ხართ ცუდი" — ასე გამოეხმაურა ნაციონალური მოძრაობის დეპუტატი, რომან გოცირიძე მმართველი გუნდის მიერ ინციირებულ ცვლილებებს საარჩევნო კოდექსში. პარლამენტში პლენარულ სხდომაზე გოცირიძემ განაცხადა, რომ ქართული ოცნება არის ცუდი ხელისუფლება და ცუდი პარტია.

"თურმე თქვენ ახლა შემოგავთ რაღაც არნახული ცვლილებები და ამით გინდა მოატყუოთ საერთაშორისო პარტნიორები. თურმე, პრობლემა იმაში ყოფილა, რომ დღევანდელ კანონში რაღაც სანქცია მხოლოდ ორწლიან პატიმრობას ითვალისწინებს და თქვენს მიერ შემოტანილ კანონპროექტში გაამკაცრეთ და გახადეთ სამი წელიწადი. ამის გამო ხდებოდა თურმე გატაცება საარჩევნო ყუთების, დარბევა საარჩევნო ოლქების, ცემა ოპოზიციის წარმომადგენლების ზონდერ ჯგუფების მიერ", — განაცხადა რომან გოცირიძემ.

მანვე განაცხადა, რომ სჯობს პარლამენტმა დაუჭიროს მხარი მათ მიერ ინცირებულ ცვლილებებს, რომელშიც ეუთო/ოდირის დასკვნებია გათვალისწინებული.

ოპოზიცია კრიტიკულად აფასებს ქართული ოცნების მიერ ინიცირებულ საკანონმდებლო ცვლილებებს, რომლის მიხედვითაც სანქციები მკაცრდება ამომრჩეველთა იძულების, დაშინებისა და ხმის მიცემის ფარულობის დარღვევის შემთხვევებზე. სხვადასხვა პარტიის ლიდერები იმ მოსაზრების გარშემო გაერთიანდნენ, რომ ამ ბერკეტს ხელისუფლება მხოლოდ ოპოზიციის წინააღმდეგ გამოიყენებს.

გაიგეთ მეტი: