ევროპული საქართველოს ლიდერმა, დავით ბაქრაძემ საარჩევნო კოდექსის ცვლილებასა და დამატებითი რეგულაციების შემოღებაზე ისაუბრა.

ბაქრაძის თქმით, ამგავრი ცვლილებებით მთავრობა ცდილობს, ქულები დაიწეროს უცხოელი პარტნიორების თვალში. ევროპული სქართველოს ლიდერმა აღნიშნა, რომ წინა წლებში, მიუხედავად იმისა, რომ მრავალი დარღვევა დაფიქსირდა არჩევნებზე, არცერთი ადმინისტრაციული ჯარიმა არ დაწერილა თანამდებობის პირებზე, შესაბამისად, ამ ტიპის ინიციატივას საზოგადოებაში ნულოვანი ნდობა აქვს.

"იმ პირობეში, როცა ქართულმა ოცნებამ უარი თქვა ევროპული საქართველოს მიერ შეთავაზებულ კონკრეტულ მექანიზმებზე, როგორ უნდა დაგვეცვა ზეწოლისგან და გაყალბებისგან ჩვენი ამომრჩევლის ხმები, რა თქმა უნდა ეს ინიციატივა ემსახურება მხოლოდ ერთს — ეს გახლავთ ქულების დაწერის მცდელობა ჩვენი უცხოელი პარტნიორების თვალში. ასეთი ტიპის ინიციატივებს, ვიმეორებ, პრეცენდენტების არარსებობისა და მექანიზმების მიუღებლობის პირობებში აქვს ნულოვანი ნდობა საქართველოს შიგნით, საზოგადოებაში", — განაცხადა დავით ბაქრაძემ.