ევროპული საქართველოს ერთ-ერთი ლიდერი, გიორგი კანდელაკი საოკუპაციო ზოლის პირა სოფლებიდან საქართველოს მოქალაქეების გატაცებას ეხმაურება. კანდელაკის თქმით, საერთაშორისო ასპარეზზე ოკუპაციის პრობლემის აქტუალიზაციის მიმართ ქართული ოცნების მთავრობის წინააღმდეგობა პრობლემას მნიშვნელოვნად ამძიმებს.

"დისკომფორტის შექმნას ოკუპანტისთვის უნდა ახდენდეს სახელმწიფო და ამას კერძო ინიციატივები არ უნდა სჭირდებოდეს. თუმცა ამაზე მნიშვნელოვანი საზომი, თუ რა საზიანო პოლიტიკას ატარებს ქართული ოცნება არის ის, რომ ოცნების მთავრობა გადაჭრით გამოვიდა იმის წინააღმდეგი, რომ ევროკავშირის და შეერთებული შტატების უკვე დაკისრებულ სანქციებში მოხვედრილიყო ჩვენი პრობლემა. მათ შორის გატაცებების, მკველობების, ზოგადად ოკუპაციის და ჩვენი დევნილების ქონების პრობლემები აფხაზეთში; რაც ევროპულმა საქართველომ შესთვაზა გასულ წელს რეზოლუციის სახით პარლამენტს, რომელიც ქართულმა ოცნებამ ჩააგდო", — განაცხადა გიორგი კანდელაკმა.