ნეო ჯონ ვიკის წინააღმდეგ — წლების განმავლობაში გულშემატკივრები აქტიურად განიხილავდნენ, ვინ გაიმარჯვებდა კიანუ რივზის ორი უძლიერესი პერსონაჟი რომ ერთმანეთს დაპირისპირებოდა.

და, როგორც ჩანს, ამერიკელი კომიკოსი და წამყვანი სტივენ კოლბერტიც ერთ-ერთი მათგანია.

ამ კვირას წამყვანმა საკუთარ გადაცემაში Late Show რივზს და ალექს უინთერს უმასპინძლა, რომელიც ფილმ Bill and Ted-ში მასთან ერთად თამაშობს. კოლბერტმა რივზს ჰკითხა, თუ ვინ გაიმარჯვებდა საკულტო პერსონაჟის, ჯონ უიკისა და მატრიცას გმირის შერკინებისას.

მსახიობი თავდაპირველად კითხვის თავიდან აცილებას შეეცადა და განაცხადა, რომ ისინი არ იბრძოლებდნენ, თუმცა როცა წამყვანმა დაიჟინა, "რას გააკეთებდა ჯონ ვიკი, თუ ნეო ძაღლს მოუკლავდა", რივზმა კვლავ თავის დაძვრენა სცადა და თქვა, რომ ეს ახალი ქროსოვერის შესანიშნავი იდეა იყო.

"არა, არა! ისინი არ იბრძოლებდნენ!", — ამბობს რივზი, — "თუმცა, შესაძლოა, ჯონ ვიკი თომას ანდერსონს რეალურ სამყაროში დახმარებოდა, ალბათ მანქანების წინააღმდეგ".

კოლბერტის პასუხი?

"კარგი, მოვრჩით. პასუხი მიღებულია".