ისრაელმა ლიბანის საზღვართან არსებულ ჰეზბოლას პუნქტებზე საჰაერო შეტევა განახორციელა. ინცინდენტი მას შემდეგ დაიწყო, რაც ჰეზბოლამ განაცხადა, რომ ლურჯ ხაზებზე მფრინავი ისრაელის თვითმფრინავი ჩამოაგდო. ამის შესახებ ინფორმაცია გამოცემა Aljazeera ავრცელებს.

ისრაელის თქმით, ჰეზბოლას პუნქტებზე შეტევა ოთხშაბათს დაიწყეს, მაშ შემდეგ, რაც საზღვრის გასწვრივ, მათი ჯარის მიმართულებით გასროლა მოხდა. ქვეყნის სამხედრო პირების განცხადებით, უსაფრთხოების ზომების დარღვევა მანარის მიმდებარე ტერიტორიაზე გაეროს მიერ დადგენილ ლურჯ ზოლში [არაკონფლიქტური ზონა] მოხდა.

"გასულ ღამით ჩრდილოეთ ისრაელში საოპერაციო მოქმედებებისას ლიბანიდან ისრაელის თავდაცვის ძალების მიმართულებით გასროლა მოხდა. ეს მძიმე მოვლენაა და მზად ვართ, ჩვენის საზღვრის უსაფრთხოებისთის ვიბრძოლოთ" — წერია ისრაელის ჯარის ტვიტერზე.

მათივე ინფორმაციით, სროლას სროლითვე უპასუხეს და მათი მხრიდან არცერთი ჯარისკაცი არ დაშავებულა. როგორც თავად ამბობენ, სროლის შემდეგ საზღვართან განათება აანთეს და კვამლის ჭურვები განათავსეს.

ამ შემთხვევასთან დაკავშირებით ჰეზბოლას კომენტარი ჯერჯერობით არ გაუკეთებია.

ტექნიკური თვალსაზრისით, ისრაელი და ლიბანი ჯერ ისევ საომარ მდგომარეობაში არიან და გაეროს ძალებს ცეცხლის შეწყვეტის მონიტროინგი ევალებათ. UNIFIL-ის, ლიბანში გაეროს სამშვიდობო ძალების ამოცანა, ლიბანის ჯართან ერთად, ცეცხლის შეწყვეტის მონიტროინგი და დემილიტარიზებული საზღვრიდან ისრაელის გაყვანაა. თავის მხრივ ისრაელი ჰეზბოლას საზღვართან იარაღის შენახვასა და ახლი ომისთვის მზადებაში ადანაშაულებს.