ევროპის საბჭოს გენერალური მდივანი, მარიამ ბურიჩი შატილში მომხდარ ტრაგედიას ეხმაურება და თანაგრძნობას უცხადებს ქართველ ხალხს.

"შოკირებული და დამწუხრებული ვარ საქართველოში მომხდარი ავტოავარიით. ჩვენი ფიქრები ტრაგედიის დროს დაღუპულებთან და მათ ოჯახებთანაა. ვუცხადებ გულწრფელ თანაგრძნობას საქართველოს მთავრობასა და ქართველ ხალხს", — აცხადებს ბურიჩი.

ავტოსაგზაო შემთხვევა დუშეთის მუნიციპალიტეტში, სოფელ ბისოს სიახლოვეს, შატილის გზაზე მოხდა. სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.