ლენტეხის მუნიციპალიტეტში ახალგაზრდა ცოლ-ქმარს კორონავირუსი დაუდგინდა. ისინი ქუთაისის ახალი ინფექციური საავადმყოფოს ბოქსირებულ განყოფილებაში არიან მოთავსებულნი. კლინიკაში აცხადებენ, რომ წყვილმა ცხელების ცენტრს სიმპტომების გამოვლენისთანავე მიმართა, ბიოლოგიური ნიმუშების ქუთაისის ლაბორატორიაში გადაგზავნის შემდეგ კი, მათ კორონავირუსზე დადებითი პასუხი დაუფიქსირდათ.

ქუთაისის ახალ ინფექციურში განმარტავენ, რომ პაციენტების ჯანმრთელობის მდგომარეობა სტაბილურია და მათ პნევმონია და თანმხლები დაავადებები არ აღენიშნებათ. ორივე ინფიცირებული ე.წ. მესტიის კლასტერს მიეკუთვნება.

ქუთაისის ინფექციურ საავადმყოფოში ამ დროისათვის 14 პაციენტი მკურნალობს, მათგან 5 ბავშვია.

23 აგვისტოს მონაცემებით, საქართველოში კორონავირუსის 17 ახალი შემთხვევა გამოვლინდა, გამოჯანმრთელებულების რაოდენობა არ დამატებულა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: