ქართულმა ოცნებამ რუსთავის ამომრჩეველს მაჟორიტარად ნინო ლაცაბიძე წარუდგინა. წარდგენაზე საქართველოს პრემიერ მინისტრმა, გიორგი გახარიამ მომავალი თაობის ხარისხიან განათლებაზე ისაუბრა.

"სამართლიანობა ეს იქნება ძირითადი პრინციპი, რომელიც უნდა გაგრძელდეს. არსებობს კონკრეტული მიმართულებები, რომელშიც დაგვჭირდება რეფორმები, ეს არის ბავშვები და მათ განათლებაზე ზრუნვა. პასუხი ხელისუფლების და მთავრობის ამ გამოწვევაზე იყო განათლების რეფორმა, რომელიც მიუხედავად ყველა კრიზისისა, არ უნდა გაჩერდეს არც ერთი დღით. მარტივია, ჩვენ უნდა ვიზრუნოთ შვილების მომავალზე, იმიტომ რომ, ჩვენი შვილები, რომლებმაც უნდა მიიღონ ამ ქვეყნაში ხარისხიანი განათლება, ქვეყანას რომ დატოვებენ სხვა ქვეყნის შვილებთან უნდა შეეძლოთ კონკურირება. ეს ჩვენი პასუხისმგებლობაა ჩვენი შვილების წინაშე", — განაცხადა გახარიამ.