ოქროსა და ბრილიანტისგან შექმნილი მსოფლიოში ყველაზე ძვირი პირბადე $1,5 მლნ ღირს
ისრაელის ერთ-ერთი საიუველირო კომპანია აცხადებს, რომ კორონავირუსისგან დამცავ მსოფლიოში ყველაზე ძვირადღირებულ პირბადეს ქმნის. ოქროსგან დამზადებული ნიღბის ღირებულება $1,5 მილიონს შეადგენს.
18-კარატიანი თეთრი ოქროს პირბადე 3 600 თეთრი და შავი ბრილიანტით იქნება მოოჭვილი, თუმცა, როგორც დიზაინერი ისააკ ლევი აღნიშნავს, დამკვეთის მოთხოვნით იგი საუკეთესო ხარისხის მქონე N99-ის დამცავი ნიღბის მოთხოვნებსაც შეესაბამება.
ლევი, რომელიც Yvel-ის კომპანიის მფლობელია, ამბობს, რომ შემკვეთს კიდევ ორი მოთხოვნა ჰქონდა: ნიღაბი წლის ბოლომდე უნდა დამზადდეს და იგი ყველაზე ძვირადღირებული უნდა იყოს მსოფლიოში. ეს უკანასკნელი, ლევის თქმით, ყველაზე ადვილად შესასრულებელი იყო.
იუველირმა დამკვეთის ვინაობის დასახელებისგან თავი შეიკავა, თუმცა განაცხადა, რომ იგი აშშ-ში მცხოვრები ჩინელი ბიზნესმენია.
ბზინვარება პირბადეს, რომლის საჯარო სივრცეში ტარებაც არაერთ ქვეყანაშია სავალდებულო, მოდურად კი აქცევს, თუმცა ის ჩვეულებრივი სამედიცინო ნიღაბზე თითქმის 100-ჯერ უფრო მძიმეა და მისი მასა 270 გრამს შეადგენს, რაც, დიდი ალბათობით, სატარებლად არცთუ მოსახერხებელი და პრაქტიკული იქნება.
იერუსალიმის მახლობლად მდებარე საკუთარ ქარხანაში ლევიმ რამდენიმე სხვა პირბადეც წარმოადგინა, რომლებიც ასევე ბრილიანტებითაა მოთვალული. ერთ-ერთ ოქროს ნამუშევარს ხვრელიც კი აქვს დატოვებული ფილტრისთვის.
"ფულით, შესაძლოა, ყველაფერი ვერ იყიდო, თუმცა შეგიძლია, კორონავირუსისგან დამცავი ყველაზე ძვირადღირებული ნიღაბი შეიძინო. კაცს კი, რომელსაც მისი ტარება და ყურადღების მიპყრობა სურს, როგორც ჩანს, ეს შესაძლებლობა გააბედნიერებს", — დასძენს ლევი.
ასეთმა მდიდრულმა ნიღაბმა, შესაძლოა, ვიღაცების გაღიზიანებაც გამოიწვიოს, განსაკუთრებით, მაშინ, როცა მსოფლიოში მილიონობით ადამიანმა სამსახური დაკარგა და ახლა ეკონომიკურ კრიზისთან გამკლავება უწევს. ლევის თქმით, მიუხედავად იმისა, რომ თავად მსგავს პირბადეს არ გაიკეთებდა, ის მაინც მადლიერია ამ შესაძლებლობისთვის.
"მიხარია, რომ ამ ნიღაბმა საშუალება მოგვცა, ჩვენი თანამშრომლებისთვის სამუშაო უზრუნველგვეყო, რათა ასეთ რთულ პერიოდში მათ სამსახური და შემოსავალი ჰქონოდათ", — ამბობს ლევი.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
კომენტარები