ამერიკის პრეზიდენტად არჩეულმა დონალდ ტრამპმა ეკონომიკური საქმეების მრჩეველებად Uber-ისა და Tesla/SpaceX-ის აღმასრულებელი დირექტორები CEO ტრევის კალანიკი და ილონ მასკი წარადგინა. ინფორმაციას ვაშინგტონ პოსტი ავრცელებს.

აღსანიშნავია, რომ საპრეზიდენტო კამპანიის დროს, ისინი მხარს არ უჭერდნენ დონალდ ტრამპს.

"ტრამპი მართალი კაცი არაა" - განაცხადა მასკმა ნოემბერში. მან ასევე აღნიშნა, რომ მხარს უჭერდა ჰილარი კლინტონის ეკონომიკურ პროგრამას.

"ღმერთო ჩემო, ტრამპი იგებს. მე ჩინეთში გადავდივარ საცხოვრებლად, თუ დონალდ ტრამპი მოიგებს" - თქვა კალანიკმა ოქტომბერში.

ბოლო ინფორმაციით, მასკი ტრამპის შეთავაზებას დათანხმდა.

ორშაბათს, 13 დეკემბერს, ტრამპმა სახელმწიფო მდივნის პოსტზე პუტინთან დაახლოებული ბიზნესმენი ოფიციალურად დაასახელა, რასაც კონგრესის მხარდაჭერა სჭირდება.